决战江湖粤语4.2

影迷点评

• 来自网友【隨風Agnes】的评论無綫功夫台曾經有重播過，呢齣劇播出一個月後，「亞視中文台」正式易名為「亞視黃金台」。查實自己對武俠片真係一般，但皆因自己都好鍾意李青山，呢齣係佢第二齣喺亞視拍嘅劇集，其實李青山無論古裝清裝同埋民初嘅扮相都十分英俊，呢齣劇都唔例外，佢飾演嘅「韋宇軒」扮相秀氣風度翩翩之餘亦十分有擔當亦充滿男人味，但係李青山本身嘅斯文柔弱書生氣質十分濃重，所以硬派嘅武俠片並唔係太適合佢，反而文弱嘅翩翩公子書生就更加適合，譬如任性憂鬱嘅「順治帝」啊，梨園子弟「孫紹棠」啊同埋倔強但文弱嘅「楊乃武」等等，所以呢齣之後李青山就再冇拍過其他武打劇。呢齣係李青山同葉玉萍繼《清末四大奇案》之《楊乃武與小白菜》後再度扮情侶，其實兩位外形十分合襯，但同樣兩齣都最終陰陽相隔悲劇收場，十分之可惜。王偉先生飾演嘅「鳳齋」十分陰險。